Einmuna veðurblíða

Veðrið hefur svo sannarlega leikið við Siglfirðinga og aðra norðlendinga undanfarna daga.

Hitin hefur verið í kringum 15 gráður og útlit fyrir svipað veður um helgina.

Fjörðurinn skartaði sínu fegursta seinipartinn í gær og birtuskilyrðin alveg hreint með ólíkindum.

Það er ekki hægt að kvarta yfir svona veðurfari þegar að komið er fram í október.

Veðurguðirnir hafa gengið í lið með okkur og tryggja það að þessi stóra og mikla helgi í sögu bæjarins fari vel fram.

Veðrið ætti alltént að skapa góða umgjörð í Héðinsfirðinum þegar hátíðin brestur á.