JE Vélaverkstæði og Siglufjarðar-Seigur.

 

Þar var allt í blússandi gangi og mikið að gera. 

 

Hjörtur var að fara yfir reikninga eða einhverskonar pappíra. Gaui Gústa stóð við rennibekkinn og renndi eins og vindurinn.Sverrir Júll stóð við bandsögina og kúttaði niður efni auk þess sem hann sagði mér að hann væri miklu flottari en Gaui. (Ég held að ég láti þá sjálfa bara sjá um að útkljá þau mál). Siggi Steingríms hamaðist svo á slípirokknum og sá til þess að álprófíllinn sem hann var að vinna við væri í akkúrat þeirri lengd sem hann ætti að vera(ég er nú bara alls ekki frá því að Siggi sé flottari en Gaui og Sverrir til samans). 

 

 Eftir að ég var búin að mynda þessa höfðingja í bak og fyrir tölti ég yfir í húsið sem Siglufjarðar-Seigur er í(reyndar fór ég á bílnum). Þar var allt á fullu gasi. Þar var Salli að vinna við innréttinguna í brúnni, Ómar Sig var að snikka eitthvað til, ég veit ekkert hvað hann var að útbúa en það var alveg ljómandi flott samt. Stebbi var líka að vinna í einhverju sem ég veit ekki heldur hvað er og svo var Julian að hjálpa þeim öllum.

 

 Þetta eru alveg magnaðir bátar sem þeir eru að smíða og það er greinilega hvergi slegið slöku við í gæðum. JE vélaverkstæði og Siglufjarðar Seigur eru hörkuflott fyrirtæki.

 

Svo koma auðvitað myndir.