KS/Leiftur úr leik

Stelpurnar okkar í 4.flokki KS/Leifturs hafa nú lokið þátttöku sinni á Gothia Cup. Það er óhætt að segja að stúlkurnar hafi staðið sig með miklum sóma og árangur þeirra á mótinu mjög góður.

Stúlkurnar léku í gær við lið Eskiltuna í 8-liða úrslitum og töpuðu þeim leik með þremur mörkum gegn engu.

Þreyta og meiðsli voru farin að segja til sín í þessum leik og því við ramman reip að draga.

Árangurinn er engu að síður frábær og geta Siglfirðingar verið stoltir af afrekum þeirra.

Til hamingju stelpur.