Eyþing veitir menningarstyrki

Ljóðasetrið fékk styrk fyrir verkefnið „lifandi viðburði“. Síldarminjasafnið fékk tvo verkefnastyrki, fyrir bátasmíðaverkefni og 100 ára verksmiðjusögu. Gísli Rúnar Gylfason tók við styrk fyrir hönd Djassklúbbs Ólafsfjarðar vegna blúsnámskeiðs.

Þjóðlist, fyrirtæki Þórdísar Pétursdóttur og Rúnu Ingimundar, fékk styrk til að halda kvæðamannahátíð í mars. Þá hlaut Alþýðuhúsið og fyrirhuguð liststarfsemi þar tvo styrki á nafni Aðalheiðar Eysteinsdóttur og sonar hennar Arnars Ómarssonar.

Meðal margra annarra sem fengu styrki, voru fyrrum Siglfirðingar og mæðgurnar Linda Margrét og dóttir hennar Gréta Kristín Ómarsdóttir ljóðskáld.

Að þessari athöfn lokinni söng Helena G Bjarnadóttir píanókennari tvö lög, en Helena er Siglfirðingur, dóttir Önnu Garðarsdóttur, og sté sín fyrstu skref á músíkbrautinni hér í Tónlistarskóla Siglufjarðar.

Aðalheiður Eysteinsdóttir, Gísli Rúnar Gylfason, Ragnheiður Jóna Ingimarsdóttir forstöðumaður menningarráðs Eyþings, Rósa Margrét Húnadóttir og Örlygur Kristfinnsson

Þórdís Pétursdóttir, Rúna Ingimundar og Þórarinn Hannesson forstöðumaður Ljóðaseturs.

Linda María og Gréta Kristín

Helena G Bjarnadóttir píanókennari söng tvö lög, en Helena er Siglfirðingur, dóttir Önnu Garðarsdóttur

Texti: ÖK

Mynd á forsíðu: Þórgnýr Dýrfjörð

Aðrar myndir: ÖK