Fallegt útivistarveður í dag

Vetrarveðrinu frá í gær hefur nú slotað og er hið besta veður í dag.
Ekki hefur snjóað mikið í fjöll en aðeins meira hérna niður í byggð en sjálfsagt ekki nálægt því eins mikið og á Akureyri og víðar.
Opið var á skíðasvæðinu í Skarðinu í dag og gert er ráð fyrir að opið verði á morgun ef veður leyfir.
Moksturstæki hafa verið að hreinsa götur og er vel greiðfært um bæinn.