Fiskbúð Siglufjarðar

Það eru eflaust margir sem fagna því að Fiskbúð Siglufjarðar í hjarta miðbæjarins hefur opnað aftur eftir verðskuldað sumarfrí.

Eysteinn er mættur aftur til vinnu eftir gott frí og var hann með glæsilegan og brakandi ferskan fisk í boði.

aðspurður sagðist Eysteinn vera glaður með að vera kominn aftur til starfa, en fríið hefði verið kærkomið enda búið að vera mikið álag í sumar og nóg að gera.

Fiskbúð Siglufjarðar er mikið meira en bara fiskbúð, þetta er menningarmiðstöð í hjarta Siglufjarðar og væri bærinn án efa fátæklegri fyrir vikið ef hennar nyti ekki við.