Fótbolti í haustblíðunni

Veðurblíðan á Siglufirði þetta haustið hefur verið með eindæmum og hvert sem litið var í dag mátti sjá fólk á rölti í góða veðrinu.

Á gervigrasvellinum var hópur af strákum að iðka vinsælustu íþrótt í heiminum.

Vísindavefurinn er með tölulegar upplýsingar frá FIFA (frá árinu 2000) og samkvæmt þeim leika rúmlega 240 milljónir manna um heim allan fótbolta.

Það þýðir að einn af hverjum 25 iðka knattspyrnu reglulega.

Það var svo sannarlega veðrið til þess að leika knattspyrnu í dag og sýndu strákarnir góð tilþrif.