Framhald af Kjólakistunni
Þar sem ég frétti (og hef eftir öruggum heimildum að ég hafi átt að fá að heyra það,eða svo sagði maðurinn sem sagði mér það) að Dóri og Hjalti hefðu farið að taka til hendinni niður í Kjólakistu um leið og greinin og myndirnar um hana Steinu Matt og Kjólakistu hennar og Söndru Finns birtist, ákvað ég því að kíkja aftur í Kistuna(afsakið líka hvað þetta er löng setning en mér fannst þetta bara svo flott setning).
Þar tóku á móti mér eldhressir sveinar og vægast sagt vel vaknaðir eftir frekar tíðindalitla nótt skildist mér. Ég var knúsaður og kysstur og mér var klappað á axlir, bak og bumbu og var ég orðinn drulluhræddur um að þeir myndu klappa mér öðrum viðkæmari stöðum en það slapp fyrir horn. Sýndi annar þeirra mér af mun meiri áhuga en hinn hvað þeir væru nú ljómandi duglegir að græja Kistuna fyrir elskurnar sínar.
Svo var farið yfir öll verkin og breytingarnar sem "þeir" voru búnir að gera (meira að segja það sem ég sjálfur sá Steinu Matt persónulega gera). Svo var ég spurður að því hvort ég hefði ekki örugglega myndavélina með mér sem ég jánkaði. Þá var mér boðið af öðrum þeirra að taka nokkrar myndir af aðalega honum sjálfum sem ég þáði með þökkum. Ég ætla að lofa ykkur að njóta þess að skoða nokkrar myndir af framkvæmdunum. Njótið.
Allt á réttri leið.
Þessi gella er ekkert uppiskroppa með vinnuátfitt.
Kjólakistan er staðsett í þessu fallega húsi við Aðalgötu 15.
Steina að segja til.
Hérna sýnir Dóri mér hvernig hann mokar upp steinvölu af rispfríu flotmúrsgólfinu.
Þarna sagði Dóri "Jaaaá, það er kominn svona takki hér,alveg hreint frábært! "
Athugasemdir