Grunnskólanemar mættir í hádegismat

Mikið var um að vera í eldhúsinu hjá Rauðku þar sem kokkar og hjálparkokkar unnu hörðum höndum við það að elda fyrir skólabörn og kennara Grunnskóla Fjallabyggðar.

Góð aðsókn er í skólamáltíðina hjá Rauðku og starfsfólk Rauðku ánægt með það hversu margir nýta sér það að koma og borða í hádeginu en rétt um 90 börn eru nú skráð í mat.

Krakkarnir voru spenntir og ánægðir með matinn og gátu varla beðið eftir því að komast að hlaðborðinu.