Fyrstu sumargestirnir mættir

Fyrstu sumargestirnir

Það var merkilegt að sjá þrjá húsbíla við tjaldsvæðið á Siglufirði um helgina, en þeir eru væntanlega fyrstu gestir tjaldsvæðisins í sumar.

Svo virtist sem gestirnir nytu tímans vel enda hefur mikil veðurblíða verið í bænum undanfarna daga. Skelltu þeir sér meðal annars á tónleika Hvanndalsbræðra á Kaffi Rauðku í gærkvöldi þar sem mikil stemning var í húsinu þrátt fyrir tiltölulega fáa gesti sem tóku undir líkt og um fullt hús væri að ræða.