Galdrakarlinn í OZ verður kynnir

Sigló.is náði tali af galdrakarlinum Einari Mikael sem segist „hlakka mikið til að koma á Sigló og setja upp þessa mögnuðu sýningu“.

Ég kom á Síldarævintýrið í sumar og það var slegið íslandsmet í þátttöku á töfranámskeiðið það mættu 110 krakkar!

Sýningin er með öllu því besta sem ég hef verið að vinna í síðastliðin 3 ár og þar eru nokkur atriði á heimsmælikvarða.

Einar bætti við að hann hafi fengið góðan félaga sinn, galdrakarlinn í OZ, til þess að vera kynnir og að hann komi með sér norður á Siglufjörð.

Ég og dúfurnar erum að springa úr spenningi og við getum ekki beðið eftir því að setja upp sýninguna á sunnudaginn!

Hér að neðan má sjá skemmtileg myndbönd með Einari Mikael sýna listir sínar.