Glæsilegur morgunn á Siglufirði

Siglufjörður. Ljósmyndari; Finnur Yngvi Kristinsson

Þrátt fyrir að skýjahula hafi læðst yfir bæinn uppúr hádegi þá skartaði fjörðurinn sínu allra fegursta í morgun þegar Sigló.is fór á stjá. Mesti snjór veturs er nú á Siglufirði þó að vorið virðist vera að brjótast út.

Þegar litið er út um gluggann er athyglisvert að hlusta á auglýsingar í útvarpi þar sem Byko og Húsasmiðjan keppast við að auglýsa sumarvörur líkt og grill og sólpallaefni. Eitthvað er ennþá í að Siglfirðingar fari að huga að þessum hlutum og líklegra er að þeir skelli sér á skíði á næstu vikum.