Gömul frétt frá 1962

Skurðgrafan er að skemma skíðalandið

Siglufirði 28.ágúst. -  Hvanneyrarskál er paradís Skíðamanna á Siglufirði og rómantískasta afdrep síldarfólksins. Í sumar hefur Landssíminn verið að grafa jarðstreng í hlíðinni fyrir neðan Hvanneyrarskál, og á að leggja síma- og rafstreng í skurðinn.

    Siglfirskir skíðamenn eru ekkert hrifnir af þessu, því að skurðurinn er grafinn niður hlíðina fyrir ofan bæinn og sömuleiðis er lagður þarna vegur, sem liggur þvert yfir skíðalyftuna. Þarna er eftirsóttasta skíðaland Siglfirðinga, og þessar framkvæmdir hafa orðið þeim til leiðinda og ama. En nauðsyn brýtur lög, og við skulum vona að þetta jarðrask bæti í staðinn  símaþjónustuna við Siglufjörð.              jásg.

Skurðgrafan, sem vinnur í snarbrattri hlíðinni, er tengd við jarðýtu

Örin sýnir, hvar skurðgrafan er að verki og grefur ofan frá brún og niður í bæ