Héðinsfjarðartrefillinn kominn í Ráðhús Reykjavíkur

Í dag, 10 janúar, verður Héðinsfjarðartrefillinn tekinn til sýnis í Ráðhúsi Reykjavíkur, verður hann þar til sýnis til og með 22.janúar og gefur það fólki færi á að bera hann augum.

Trefillinn sem nú hefur lagt leið sína frá Akureyri er því orðinn víðförull og hefur hlotið mikla athygli forvitinna vegfarenda. Segja má að trefillinn sé sameiningatákn bæjarhlutanna í Fjallabyggð þar sem hann leiddi saman kjarnana tvo á degi opnunarinnar. Fjöldi fólks lagði hönd á plóg við að prjóna trefilinn sem Fríða sameinaði síðan og lagði milli Ólafsfjarðar og Siglufjarðar aðfaranótt 2. október 2010 ásamt ötulu aðstoðarliði sínu.