Heimamenn taka ekki þátt
www.fjallabyggd.is | Almennt | 19.01.2014 | 06:00 | Finnur Yngvi Kristinsson | Lestrar 705 | Athugasemdir (
Líkan af skóla. Tekið af heimasíðu Fjallabyggðar
Tilboð í viðbyggingu Grunnskóla Fjallabyggðar voru opnuð á föstudag og bárust alls þrjú tilboð í verkið. Engir heimamenn tóku þátt í tilboðinu enda annað stórt verkefni þegar hafið á Siglufirði og höfðu verktakar skorað á bæjarstjórn að fresta framkvæmdinni þar til að því loknu.
Fyrirséð var að samkeppni yrði um mannskap til byggingaverka í Fjallabyggð færu bæði hótel og skólabygging í gang á sama tíma. Buðu engir verktakar úr heimabyggð í skólabygginguna enda margir búnir að ráðstafa sér í uppbyggingu Hótel Sunnu.
Þau þrjú tilboð sem bárust í skólabygginguna voru frá Eykt, Tréverk og BB Byggingum og voru eftirfarandi:
Eykt ehf: 198.747.675 kr. (133,8% af kostnaðaráætlun) Reykjavík.
Tréverk ehf: 146.217.633 kr. (98,4% af kostnaðaráætlun) Dalvík.
BB Byggingar ehf: 167.198.275 kr. (112,5% af kostnaðaráætlun) Akureyri.
Tilboðin verða tekin fyrir á næsta fundi bæjarráðs, þann 21.janúar næstkomandi og kemur þá í ljós hver mun
hreppa verkið. Líklegt má þó þykja að nágrannar okkar í Dalvík taki það að sér.
Athugasemdir