Hindisvíkurbáturinn farinn úr bænum
sksiglo.is | Almennt | 06.12.2013 | 12:30 | Jón Hrólfur Baldursson | Lestrar 558 | Athugasemdir (
Hindisvíkurbáturinn á leið úr
bænum.
Hindisvíkurbáturinn er á leiðinni úr bænum eftir tveggja ára dvöl á Siglufirði.
Fréttamaður ákvað að senda Örlygi á Síldarminjasafninu tölvupóst og fá smá
upplýsingar um bátinn.
Svar Örlygs hér fyrir neðan.
„Við fengum
þennan gamla árabát að láni frá Byggðasafninu á Reykjum í Hrútafirði til þess að hafa hann sem fyrirmynd að
nýsmíði: nýjum og ilmandi 19. aldarbát yrði róið um fjörðinn og siglt undir seglum. Báturinn var smíður í
Hindisvík á Vatnsnesi árið 1876 og gæti verið meðal 12 elstu báta landsins.
Verkefnið var
í samræmi við samning safnsins og menntamálaráðuneytisins um bátasmíða-arfleifðina.
Til verksins var
pantað sérvalið efni frá Noregi, en þegar það var hafið kom í ljós að stór hluti timbursins var gallaður - svo
stórkvistótt, að það var algjörlega ónothæft. En nú var kominn tími til að skila bátnum. Áður var hann mældur
upp og smíðuð skapalón og meira að segja nýr efniviður kominn – svo það fer allt að verða klárt til
endursmíðinnar.“
Við þökkum
Örlygi kærlega fyrir að segja okkur frá þessu og það verður spennandi að fá að fylgjast með þegar endursmíði nýja
Hindisvíkurbátsins hefst.
Skúl Thóroddsen og Hjalti Gunnarsson að smíða stefni nýju Hindarinnar fyrir tveimur árum.
Ég náði myndum af bátnum þar sem hann var á
kerru aftan í bíl Gunnars Júlíussonar sem ætlaði að lóðsa bátinn vestur í Húnavatnssýslu.. 
Athugasemdir