Hlýlegir og framandi brasilískir tónar með Gító og Rodrigo

Gító og Rodrigo á Hannes Boy. Ljósmyndari; SMR

Gító og Rodrigo kynntu Siglfirðingum fyrir framandi tónum Brasilíu á Hannes Boy í gærkvöldi. Vel var mætt og voru gestir hæst ánægðir með tónleikana.

Ljúfir tónar léku um tónleikagesti þegar Gító og Rodrigo tróðu upp á veitingastaðnum. Er þetta í fyrsta skipti sem þeir félagar troða upp á Siglufirði en síðustu vikur hafa þeir ásamt þriðja aðila verið að setja saman tónleika og æfa lög.

Hlýleg stemmning hafði myndast á staðnum þegar fréttamaður Sigló.is mætti á svæðið og sat fólk þar og naut tónanna meðan það dreypti sér á léttvíni og bjór.