Íbúafundur um skipulagsmál á Siglufirði

Ágúst Ingi Jónsson. Morgunblaðinu

Í kvöld verður haldinn íbúafundur á Allanum, Siglufirði, þar sem farið verður yfir breytingatillögu á staðfestu aðalskipulagi Siglufjarðar. Er þar um að ræða íbúðirnar sem Reisum stefnir á að byggja á malarvellinum við Túngötu.

Í síðastliðnum mánuði komu margar athugasemdir inn á Siglo.is varðandi íbúðarhúsin sem fyrirhugað er að byggja á malarvellinum en á margra vörum er umræðan orðin heit. Góð rök hafa komið fram bæði með og gegnt tillögunni og verður því fróðlegt að fylgjast með fundinum í kvöld þar sem búast má við fjölmenni.

Á fundinum verður einnig farið yfir tillögur að nýju aðalskipulagi fyrir Fjallabyggð.