Icesave 3 ?
sksiglo.is | Almennt | 19.03.2011 | 17:05 | Guðmundur Skarphéðinsson | Lestrar 635 | Athugasemdir (
Stefán Már Stefánsson prófessor
Stefán Már Stefánsson prófessor við Háskóla Íslands og frístunda Siglfirðingur flutti erindi um Icesave III, þ.e. lög nr. 13/2011 um heimild til handa fjármálaráðherra til að staðfesta samninga, sem áritaðir voru í London 8. desember 2010, um ábyrgð á endurgreiðslu Tryggingastjóðs innistæðueigenda og fjárfesta til breska og hollenska ríkisins á kostnaði af greiðslu lágmarkstryggingar til innistæðueigenda í útibúum Landsbanka Íslands hf. í Bretlandi og Hollandi og greiðslu eftirstöðva og vaxta af þeim skuldbindingum.
Tilefni fundarins var væntanleg þjóðaatkvæðagreiðsla 9. apríl nk. þar sem kosið verður um framtíðargildi laganna.
Stefán Már ræddi kosti og galla laganna og benti á helstu hættur samfara því að samþykkja lögin eða fella þau. Hann leitaðist við að gefa skýringu á því hverra málsókna sé að vænta verði lögin ekki samþykkt, hver séu líkleg úrslit þeirra og hverja séu helstu afleiðingar. Jafnframt ræddi hann hvaða áhættuþættir fælust í því að samþykkja lögin eins og þau liggja fyrir núna.
Athugasemdir