Ísland verður eitt „heitasta“ ferðamannalandið á næsta ári

Ísland stefnir í að verða eitt „heitasti“ staðurinn fyrir ferðamenn á komandi ári, þar sem verði á sumarferðum hefur lækkað um helming. Þetta fullyrðir breska blaðið The Times á fréttavef sínum í dag. Hrun efnahagskerfisins hefur, að sögn blaðsins, leitt til þess að ferðaþjónustuaðilar hafa lækkað verð til að laða að erlenda ferðamenn. Gengi krónunnar spilar hér auðvitað stærsta hlutverkið.  

Times vitnar til þess að á Google-leitarvélinni hafi upplýsingaleit um Ísland og ferðir til Íslands, aukist um 60% á síðustu tveimur mánuðum og eru flestar leitaraðgerðir frá tölvum í Bretlandi.

Tekið er sem dæmi að Cox & Kings ferðaskrifstofan, hafi í dag auglýst þriggja nátta ferðir til Íslands fyrir 350 pund með hóteli og flugi. Talsmaður ferðaskrifstofunnar segir að slíkur pakki hafi áður verið á 7-800 pund.

Times