Jóakims hús við aðalgötu

Framkvæmdir standa nú yfir á Aðalgötu og stendur til að reisa gamalt hús á nýjum grunni.
Jóakimshús eins og það er kallað kemur til með að standa á nýjum grunni á lóð nr. 20 við Aðalgötu. 

Húsið er að verða 100 ára og kemur það til með að sóma sér vel á þessari lóð þar sem svipað hús stóð áður. 

Húsið verður gert upp með sem upprunalegustum hætti og er hugmyndin að gera gamaldags grindverk kringum húsið á lóðarmörkum.

Með þessari framkvæmd þéttist byggð við Aðalgötuna og það er kominn vísir að sjarmerandi þyrpingu gamalla húsa.