Jólin eru búin

Starfsmenn bæjarins voru að taka niður jólatréð sem stóð á Ráðhústorginu síðastliðinn mánudag. 

 

Þegar ég kom þarna að var Simmi Helga að stjórna krananum eins og herforingi í sjóorustu og Nonni Geira og Ingi Vignir tíndu ljósin af trénu áður en það var tekið niður og líklega verður því jarðstungið við hliðina á jólatrénu í Ólafsfirði. 

 

Mér finnst eins og menn séu nýlega hættir að tala um hvað það var ræfilslegt og allt ómögulegt við þetta grey. Mér fannst það nú samt bara alveg ágætt og þjónaði sínu hlutverki bara nokkuð vel og það er ekki laust við að það fylgi því smá vottur af jólatrés-söknuði að ganga framhjá Ráðhústorginu núna.

 

En svona annars er það að frétta að jólin eru búin í Fjallabyggð þó ennþá séu eitt og eitt hús með jólaseríurnar hangandi í gluggum sem gefa þægilegan og rómantískan bjarma (ég trúi því ekki að ég sé að skrifa þetta með rómantíkina og bjarmann, ég er víst órómantískasti maður á jörðinni samkvæmt minni heittelskuðu (sem er þó séstaklega heittelskuð þegar hún gerir kjötbollur í rauðri sósu handa mér og hefur svona "dash" af frönskum með)). 

 

Svona er nú tíminn víst fljótur að líða (og ég er ennþá að hugsa um það þegar ég skrifa þetta af hverju í ósköpunum ég hafi komið inn á rómantíkina hérna fyrir ofan, ég er örugglega að verða veikur). 

 

En það er næstum því bara korter í næstu jól með nýju jólatré og hver veit, kannski verður næsta jólatré ennþá ræfilslegra.

 

Símon Helgason eða Simmi Helga. Helen Meyers kallar hann reyndar alltaf Simmi minn.

 

Jón Ásgeirsson. Oftast kallaður Nonni Geira er hér að taka jóleseríuna af trénu.

 

Ingi Vignir. Líklega alltaf kallaður Ingi Vignir. Því miður náði ég ekki betri mynd af Inga Vigni.

 

Hér eru þeir byrjaðir að taka tréð niður.

 

Langt komið.