KF á sigurbraut!

KF spilaði við nágranna sína úr Dalvíkurbyggð í gær í lengjubikarnum og skemmst er frá því að segja að okkar strákar unnu stórsigur 5-1. Yfirburðir KF voru miklir lengst af.

Þó var nokkuð jafnræði yfir leiknum til að byrja með, sem breyttist hægt og rólega okkar drengjum í vil.  Þórður Birgisson var svo sannarlega  á skotskónum í gær því hann skoraði alls 4 mörk fyrir KF.

Mark númer tvö var sérlega glæsilegt þar sem Þórður snéri varnarmann Dalvíkur/Reynis af sér og átti hörkuskot með vinstri fæti alveg í samskeytin, vægast sagt glæsilegt mark hjá Þórði.

KF  spilaði mjög vel í leiknum þó að fyrirstaðan hafi ekki verið mikil enda vantaði eitthvað af leikmönnum í lið Dalvíkur. En það má ekki taka það af okkar strákum að með áframhaldandi spilamennsku getur liðið farið langt í lengjubikarnum.

Staðan í lengjubikarnum er meðfylgjandi:

Texti og mynd: Aðsend