Kjæru lesendur siglo.is
Eg hef heirt þa utan af mér að einhverjir séu ekki alvég nógu sátir við stafsettningu og orðaval í einkverjum greinum eða skrivum sem einkver skrifa firir siglo.is. Eg biðst velvyrðingar á þesu og loffa að reina að bæta mig í stafsett ningunni og huxanlega breyta einkverntímann orðavali.
Það hafa örugglega einhverjir verið orðnir pirraðir á að lesa þetta hérna á undan, en það verður bara að hafa það og ég biðst velvirðingar á því. Ég segi eins og stóð örugglega í einhverju páskaegginu "Nöldraðu í plastpoka hvað var gaman að skrifa þetta".
En án gríns ætla ég að reyna að bæta stafsetninguna hjá mér. Sökum þess að við hjá siglo.is erum kannski fámenn en ótrúlega góðmenn (djók, þetta orðskrípi með góðmenn er grín, líka þetta sem stóð fyrst í sviganum þ.e.a.s. "djók" orðið, það er líka grín) erum við að reyna að koma fréttum og það sem einhverijr vilja halda, almennum skemmtilegheitum út á síðuna hjá okkur í sem fjölbreyttasta formi. Vinnst okkur ekki alltaf tími til að fara nógu vel yfir stafsetninguna (stundum bara alls ekkert). Ég vil líka taka það fram að ég sjálfur skrifa mjög oft (næstum því alltaf) "bezt" með "Z". Það geri ég vegna þess að mér finnst það einfaldlega fallegra og svo finnst mér "Z" eitthvað svo ósköp einmana. Ég skrifa líka mjög oft (og þá líka næstum því alltaf) "fjélag" með "j" en ekki "félag". Það geri ég einnig af því að mér finnst það bara eitthvað svo fjandi fallegt. Ef þetta stingur ykkur í augun og ykkur finnst þetta bara ekki mönnum bjóðandi þá endilega látið okkur vita. Svo á ég það til að gera mjög stutta sögu allt of langa. Ég á það líka til að nota sviga (...) mjög mikið, og skrifa til dæmis mjög mikið af upplýsingum inn í svigann. En það er einfaldlega, ja hvað eigum við að segja "minn stíll".
Ég vil reyna að koma orðum frá mér eins og ég heyri þetta í hausnum á mér eða að ég væri næstum því að tala við þig en þú ekki að lesa þetta. (Ég veit að þetta er flókið en hausinn á mér er líka flókinn, nema kanski hárið, það er alls ekkert flókið vegna þess að það er svo lítið eftir af því, svo er Ólöf alltaf að segja mér að það séu 2 "N" í "kannski" en ekki 1 eins og stendur hérna aðeins framar í sviganum). Þarna kom til dæmis inn í svigann eitt dæmi um óhóflega sviganotkun mína og öllu þessu sem ég bara verð hreinlega að koma frá mér inn í þennan blessaða sviga. En ég held að ég sé ekki tilbúin í það að breyta þessum svigamálum mínum. Nei annars ég held ekkert um það, ég er ekki tilbúinn í það að breyta svigaskrifunum (þarna er líklega komið nýyrði, "svigaskrifum" og það inn í sviga).
En þessi gagnrýni á alveg 100% rétt á sér og er eiginlega nauðsynleg til að við getum sinnt okkar vinnu sem bezt og skilað frá okkur efni til ykkar í sem allra vandvirkasta formi. Ég veit ekki alveg hvernig eða hvort ég vil hreinlega breyta þessum skrif-stíl mínum heldur og ég held að ég hætti frekar að skrifa en að breyta þessum stíl þó ég vilji ólmur taka stafsetninguna til greina. Þegar kemur að orðavalinu, þá verður því ekki breytt, punktur.
Nú segi ég frá mínum dýpstu hjartarótum (sem eru þónokkuð djúpar ef þú miðar við fitumagn og gæði, því jú í fitunni felast gæðin eins og hún Ólöf mín segir), lofa ég að bæta stafsetninguna hjá mér. Nei annars, eins og mamma sagði í gamla daga þegar ég var að reyna að láta hana "lofa" að gefa mér nammi, þá segi ég "ég lofa ekki neinu því þá svík ég ekki neitt". En ég skal næstum því lofa að reyna að bæta mig. Pís!!
Svo sendi ég eina mynd af mér af því að Ólöfu finnst ég svo fjandi fallegur á þessari mynd. Það gerist nú ekki oft segir hún að ég sé bara næstum því myndarlegur á myndum.
Athugasemdir