Kjólakistan opnuð í nýja gamla húsnæðinu
Kjólakistan opnaði þriðjudaginn 26. mars að Aðalgötu 15 í endurnýjuðu húsnæði. Þar var búið að endurnýja allt hátt og lágt og búið að mála eitt stk. hurð alveg eld rauða. Ekki veit ég alveg hvaðan þessi hugmynd af rauðu hurðinni kom en hún tekur sig nú bara nokkuð vel út þarna í kistunni.
Þegar ég ætlað að kíkja þarna um 16:00 þá var bókstaflega troðfullt út úr dyrum, þannig að ég snéri við og skrapp í bakaríið í hálftíma og tróð í mig snúð og skinkuhorni. Þegar þessi hálftími var liðin tölti ég aftur niður í Kjólakistu til þess að skoða allskonar föt og meyjar sem voru að skoða föt og finna hvað var gott í öllum efnunum þarna í öllum þessum fötum.
Það sem mér fannst mesta snilldin við annars ný-endurnýjað húsnæði Kjólakistunnar var karla hornið. Og karlahornið er eitt stk. sófi, nota bene leður. Við þurfum ekki meir (nema kannski kaffi, Nóa konfekt, sjónvarp og spjald tölvu, þá helst iPad nema kannski Finnur hann vill ekki iPad).
Eins og kannski flestar myndirnar bera með sér eru þær teknar þarna úr þessum sófa. Mjög góður sófi kæra Kjólakista og mættu fleiri búðir sem selja föt og annað fyrir konur sem þurfa að draga mennina sína inn í búðirnar taka þetta sér til fyrirmyndar.
Mér finnst til dæmis óþolandi þegar ég er dreginn inn í einhverja svona konubúð og frúin er að skoða að ég geti ekki fengið mér sæti og andvarpað og sagt "jæja, eigum við ekki að fara drífa okkur?" nokkrum sinnum og slakað bara á, rétt á meðan frúin skoðar allt mögulegt og ómögulegt. En jæja aftur að Kjólakistunni. Halldór sást ekkert þarna frammi , þær sögðu að hann væri inn í mátunarklefa og fengist ekki til að koma út úr klefanum og á einum tímapunkti þarna fannst mér eins og ég væri staddur í miðju fuglabjargi, slíkur var áhuginn.
Gangi ykkur vel í Kjólakistunni Steina og Sandra (já og auðvitað innkaupastjórarnir Halldór og Hjalti) og innilega til hamingju með
þetta.
Þetta er glæsilegt.
Opnunartími yfir páskahátíðina verður svona, og lokunartíminn er víst ekkert heilagur. Það er aldrei opið styttra, bara stundum lengur.
Miðvikud. 16-18
Fimmtud. 14-16
Föstud. LOKAÐ
Laugard. 14-16
Karlahornið góða, Daði alveg uppgefinn.
Helen var hrikalega hress með þetta allt saman.
Held að Guðný hafi verið fyrst inn og síðust út.
Svona var þetta allan tímann.
Er ekki bara komin hugmynd af amælisgjöf fyrir hana Eddu. Ha? Hvað segirðu um það Addi Óla? Ert þú búin að gefa konunni þinni
afmælisgjöf í ár Addi Óla?
(ég var vinsamlegast beðin um að koma þessu á framfæri).
Hérna heldur hún á sömu peysunni Addi Óla. (eða kjólnum, veit ekkert hvort þetta er)
Elín alveg með þetta.
Steina og dóttir Bryndísar Þorsteins. Hugsið ykkur, barnapössun á staðnum.
Þarna heyrði ég Sóley Önnu segja í símann " En Óli, í alvöru, ég á bara engin föt."
Tinna skvísa.
Sigga að finna hvað er virkilega gott í þessu.
Athugasemdir