Komið heim úr göngum

Á föstudag fór vaskur hópur Siglfirðinga og Fljótamanna út á Siglunes í þeim tilgangi að sækja 24 eftirlegukindur en flestar voru þær mjög vel á sig komnar.



Gangnamennirnir, Óðinn Rögnvaldsson, Haraldur Björnsson, Jón Númason og Jóhannes Ríkharðsson, lögðu af stað í ferðina árla dags og er sú ferð yfirleitt hið mesta ævintýri þar sem kindur og menn eru ferjaðir á gúmmíbát út í þann bát sem flytur þær í land. Má því segja að um fljótandi réttir sé að ræða.


Mynd 2. Haflið frá Helgustöðum


Mynd 3. Málin rædd eftir vel heppnaðan túr


Myndir og texti. Egill Rögnvaldsson