Konukvöld til styrktar strandblakvallarins

Það stendur mikið til hjá blakfélögunum en eftir að samkomulag náðist við Rauðku um standsetningu strandblakvallarins á túninu við Rauðkutorg hafa meðlimir þeirra ekki látið deigan síga. Á örskömmum tíma hefur verið skipt um jarðveg og er nú kominn sandur í stað grass.


Nú eru að ljúka framkvæmdum við völlinn og í tilefni af því hafa Súlurnar og Dífurnar efnt til konukvölds til styrktar strandblakvallarins fimmtudaginn 16. júní klukkan 20:30. Forsala aðgöngumiða lýkur í dag en hún fer fram í SR.

Um helgina verður haldið strandblaksnámskeið þar sem Karl Sigurðsson landsliðsþjálfari í strandblaki kemur og leiðbeinir blakfólki. Um 24 blakarar munu taka þátt á námskeiðinu sem fer fram á föstudag og laugardag sem
endar síðan með móti á sunnudagsmorgninum.






















Tilbúinn Strandblaksvöllur
GJS