Kveðja frá Grímsvatnagosinu

Fréttir

Kveðja frá Grímsvatnagosinu

Aska á undirskál

Meðan hvít snjókoman beit í kinnar Norðlendinga sá vart út úr augum í kolmórauðri öskuhríðinni fyrir sunnan. En í nótt var engu líkara en norðanáttin hafi borið okkur Siglfirðingum gosefni frá Grímsvötnum utan af hafi.

Sáust þess merki á mánudagsmorgni þegar bílrúður voru skafnar og snjór bráðnaði á bílum að svolítið öskufall hafði orðið. Einnig mátti merkja það að snjórinn á jörðinni var ekki alveg eins hvítur og hreinn og vanalega. Meðfylgjandi mynd sýnir ösku úr snjókúlu sem bráðnaði á undirskál. Hin myndin er af bílbretti.