Landað úr Mánabergi ÓF

Guðmundur Gauti hjá Fiskmarkað Siglufjarðar tók á móti mér í Fiskmarkaðshúsinu og sýndi mér hvað færi fram hjá þar  þegar uppskipun væri í gangi. Síðan leiddi hann mig um bryggjuna og skipið og með leyfi starfsmanna þar fengum við að taka nokkrar myndir til að sýna ykkur.

 

Guðmundur Gauti eða Gauti eins og hann er oftast kallaður trúði mér fyrir því svona undir fjögur augu að hann hefði alltaf dreymt um að verða skipstjóri á svona skipi. Það væri eitthvað svo karlmannlegt starf sagði hann og bað mig um að taka eina mynd af sér í skipstjórastólnum. Og svo bað hann mig um að hafa þá mynd við fréttina sem ég að sjálfsögðu fer eftir.

 

Að sjálfsögðu var mikið að gera um borð. Vélvirkjar að vinna niður í vélarrúmi skipsins og löndun í fullum gangi.

 

Eins og fyrr segir vorum við nú aðallega að skoða löndunina úr skipinu og það eru mörg handtökin sem því fylgir að landa úr svona skipi og ekki fyrir neina ræfla að hafa úthaldið í það að halda dampi.

 

 

 

Hér er verið að raða á bretti.

 

Tekið á móti afurðunum sem koma úr skipinu á bryggjunni.

 

Kristín Gunnólfsdóttir er búin að vinna við löndun í 16 ár.

 

"Hér líður mér eins og ég sé heima hjá mér" sagði Guðmundur Gauti um leið og hann kom um borð.

 

Heimir Birgisson var að vinna í vinnslulínunni um borð.

 

Hér er verið að raða á bretti niður í lest.

 

Og svo lyftarinn á bryggjunni.