Leikskálar heimsóttir

Siglo.is heimsótti í morgun Leikskála og hittum fyrir Kristínu Karlsdóttir aðstoðarleikskólastjóra sem var svo góð að  fræða  okkur aðeins um leikskólann.
Eftir sameiningu núna í haust er Olga Gísladóttir úr austurbænum nú leikskólastjóri og eru starfsmenn beggja skólanna að  vinna að sameiginlegri námsskrá núna í vetur.
Í Leikskálum Siglufirði eru nú 45 börn og 37 börn í Leikhólum á Ólafsfirði,  í 3.deildum á báðum stöðum. Í yngstu deildinni eru 1. árs börnin saman, 2. og 3. ára börnin  eru saman og svo í elstu deildinni eru 4. og 5. ára börnin saman.
Elstu börnin voru úti við þegar við komum og voru alsæl í snjónum, en þau yngstu léku sér inni því færið er aðeins of erfitt fyrir þau í snjónum núna. En að sögn Kristínar eru þau alltaf jafn góð þó verðið sé leiðinlegt og þau komist ekki út í marga daga. 13 starfsmenn vinna í leikskólanum í vesturbænum en 12 starfsmenn í austurbænum.