Ljóðahátíðin Glóð

Ljóðahátíðin Glóð verður haldin í sjötta sinn dagana 13.-15 september nk. Það eru Félag um Ljóðasetur Íslands og Ungmennafélagið Glói sem standa að hátíðinni líkt og undanfarin ár og Fjallabyggð styrkir hana.

Aðalgestir í ár eru ljóðskáldið Ingunn Snædal og leikarinn og ljóðskáldið Sigurður Skúlason en auk þess láta heimamenn töluvert að sér kveða að venju.

Til þessa hefur hátíðin einungis farið fram á Siglufirði en nú verður einn liður hátíðarinnar í Ólafsfirði en það er hinn margrómaði einleikur Sigurðar Skúlasonar "Hvílíkt snilldarverk er maðurinn" sem byggður er á höfundarverki Williams Shakespears í þýðingu Helga Hálfdánarsonar. Sú sýning verður í Tjarnarborg föstudagskvöldið 14. sept. kl. 20.00.

Vert er að vekja athygli á því að Ljóðasetrið selur notaðar ljóðabækur á 25% afslætti meðan hátíðin stendur yfir.

13. 9    Ljóðalestur á vinnustöðum kl. 15.00 – 16.30

Fim.    Nemendur í Grunnskóla Fjallabyggðar flytja ljóð fyrir bæjarbúa

Ljóðakvöld í Ljóðasetrinu kl. 19.15

Ingunn Snædal og Sigurður Skúlason koma fram

14. 9    Ljóðalestur í Grunnskóla Fjallabyggðar

Föst.    Ingunn Snædal les eigin ljóð fyrir nemendur eldri deildar

Ljóðalestur á Skálarhlíð kl. 15.30

Sigurður Helgi Sigurðsson lítur í heimsókn og les fyrir heimilisfólk og gesti

Ljóðræn myndlistarsýning í Ráðhússal kl. 14.00 – 17.00

Á sýningunni eru myndir úr listaverkasafni Fjallabyggðar og ljóð sem nemendur úr 8. og 9. bekk Grunnskóla Fjallabyggðar ortu við þær í ljóðasamkeppni hátíðarinnar

Úrslit í ljóðasamkeppni – Ráðhússalur kl. 16.30

Úrslit í samkeppni nema við Grunnskóla Fjallabyggðar kunngjörð og vinningsljóðin flutt

„Hvílíkt snilldarverk er maðurinn“  í Tjarnarborg kl. 20.00

Einleikur eftir Sigurð Skúlason og Benedikt Árnason byggður á höfundarverki Williams Shakespeare í þýðingu  Helga Hálfdánarsonar. Leikari er Sigurður Skúlason og Benedikt sér um leikstjórn. Aðgangseyrir aðeins 1.500 kr.

15.9     Ljóðasetur – Ljóð og lög kl. 16.00

Laug.  Þórarinn Hannesson les úr verkum sínum og flytur frumsamin lög við ljóð ýmissa skálda.

Ljóðasetur – Sagt frá merkum bókum kl. 17.00

Forstöðumaður sýnir og segir frá ýmsum merkum bókum á setrinu

Kvöldstund í Ljóðasetrinu kl. 20.00 – 22.00 

Kertaljós, ljóðalestur og tónlist í bland við léttar veitingar.

Fram koma: Páll Helgason, Sigurður Helgi Sigurðsson, Þórarinn Hannesson, Þorsteinn Sveinsson, Guðni Brynjólfur Ásgeirsson o.fl.

 Ungmennafélagið Glói og Félag um Ljóðasetur Íslands

Fjallabyggð styrkir hátíðina