Vel sótt Vinjettuhátíð í Ljóðasetrinu
Í gærkvöldi var haldin Vinjettuhátíð í Ljóðasetrinu á Siglufirði. Ármann Kr. Reynisson las þar úr bókum sínum og fékk auk þess þrjá lesara með sér þær Þórhildi Sölvadóttur, Helgu Guðrúnu Sigurgeirsdóttur og Guðrúnu Ingimundardóttur.
Lesið var fyrir fullu húsi, tæplega 40 manns, og var gerður góður rómur af sögunum og upplestri þeirra.
Á milli lestra var boðið upp á tónlistaratriði. Sturlaugur Kristjánsson lék á nikkuna, Þórarinn Hannesson flutti frumsamið lag og félagar úr kvæðamannafélaginu Rímu fluttu nokkur íslensk þjóðlög. Auk þess las Helga Luna, listakona frá Ólafsfirði, úr ljóðabók sinni.
Var þetta sérstaklega vel lukkuð kvöldstund og var Ármann ákaflega ánægður með móttökurnar á Siglufirði en Siglufjörður er 31. bæjarfélagið þar sem hann heldur svona hátíð.
Þórhildur Sölvadóttir
Helga Guðrún Sigurgeirsdóttir og Þórarinn Hannesson
Guðrún Ingimundardóttir
Kvæðamannafélagið Ríma
Valur Þór Hilmarsson. Helga Luna, listakona frá Ólafsfirði, las úr ljóðabók sinni.
Sturlaugur Kristjánsson
Þórarinn og Sturlaugur
Þórarinn Hannesson
Ármann Kr.Reynisson.
Texti: Þórarinn Hannesson.
Myndir: Sveinn Þorsteinsson.
Athugasemdir