Meiriháttar jákvæðar leikskólafréttir

Samkvæmt bréfi sem foreldrar leikskólabarna fengu frá leikskólanum Leikskálum á Siglufirði þá hefur umsóknum um leikskóladvöl fjölgað umtalsvert.

 

Til að koma til móts við aukna ásókn og stækkandi skóla var leitað til grunnskólans um aðstöðu fyrir elstu börnin. Grunnskólinn tók mjög jákvætt í þessa beiðni og börnin færa sig í neðra skólahúsið nú í febrúar.

 

10 börn koma til með að fara í grunnskólann og að sjálfsögðu munu 2 leikskólakennarar fylgja börnunum.

 

Við breytingarnar verða svo tilfærslur á milli deilda á Leikskálum, bæði hjá kennurum og börnum.

 

Flott þróun og vonandi verður áframhald á umsóknum í leikskólann.