Milos og Nenad áfram með KF

Milos Glogovac sem var fyrirliði meistaraflokks karla s.l. sumar hefur ákveðið að framlengja dvöl sína hjá félaginu og spila með KF í 1. deild á næsta ári. Skrifað verður undir eins árs samning á næstu dögum. Milos hefur verið einn af lykilmönnum liðsins undanfarin tvö ár og reynsla hans oft komið liðinu að góðum notum. Milos spilaði 19 leiki í 2.deildinni síðasta sumar og var valinn í lið ársins hjá fótbolti.net annað árið í röð.

Nenad Zivanovic mun spila áfram með KF næsta sumar. Félagið hefur samið við Nenad til eins árs. Nenad spilaði 20 leiki á síðasta keppnistímabili og skoraði 8 mörk. Nenad átti stóran þátt í velgengni liðsins á síðasta sumri mun koma til landsins í byrjun maí. Hann verður að spila með liði í Serbía fram að þeim tíma. Þetta eru ánægjuleg tíðindi fyrir KF þar sem Nenad býr yfir mikilli reynslu sem mun nýtast vel í baráttunni í 1. deild.