Mugison spilar í Bátahúsinu

Vestfirski tónlistarmaðurinn Mugison hefur nýverið gefið út plötuna Haglél og er nú á tónleikaferð um landið, þar sem hann mun spila í hverjum landsfjórðungi.

Siglufjörður er einn þeirra áfangastaða sem varð fyrir valinu og mun Mugison halda tónleika í Bátahúsinu næstkomandi laugardag, 8. október. Tónleikarnir hefjast kl. 21:00 og miðasala fer fram á www.mugison.is og við dyrnar.