Myndasýningar Ljósmyndasafns Siglufjarðar á Skálarhlíð

 

Ljósmyndasýningin er á þriðjudagsmorgnum á Skálarhlíð og stendur frá 10:30 til 11:30.

 

Mikið er spjallað og skrafað um myndirnar og góður árangur er að nást í sambandi við það að þekkja fólk, hús og farartæki á myndunum og mjög oft skapast skemmtilegar umræður um myndirnar.

 

Myndasýningarnar eru eins og fyrr segir á Skálarhlíð á þriðjudagsmorgnum frá 10:30 til 11:30 og að sjálfsögðu eru allir velkomnir.

 

Mörg nöfn sem maður hefur heyrt í gegn um tíðina getur maður nú tengt við andlit á myndum sem hafa komið fram á sýningunum í Skálarhlíð.

 

Við borðið sitja frá vinstri Nanna Franklínsdóttir, María Jónsdóttir, Guðbjörg Friðriksdóttir, Svava Baldvinsdóttir, Berta Jóhannsdóttir stendur við borðið. Fyrir aftan þær frá vinstri eru Sigríður Björnsdóttir, Kristín Baldursdóttir, Sveinn Þorsteins, Steingrímur Kristinsson, Magnús Pálsson og svo sést grilla í Jón Jónasson (Nonna Fönnsu) á bak við Svövu og Bertu.

 

Frá vinstri, Sveinn Sveinsson, Björg Friðriksdóttir og Vilborg Jónsdóttir.