N4 beinir linsum sínum til Siglufjarðar

Siglufjörður verður áberandi á sjónvarpsstöðinni N4 næstu daga. Dagskrárgerðarfólk stöðvarinnar var á Siglufirði í dag og tók púlsinn á mannlífinu. Karl Eskil Pálsson segir að víða hafi verið komið við enda margt um að vera á Siglufirði þessa dagana;

Síldarævintýri handan við hornið og ferðamenn áberandi í bænum. Hann segir að hátt í tíu viðtöl hafi verið tekin á Siglufirði í þetta skiptið, flest tengd ferðaþjónustu.

Þeir sem ekki ná útsendingu N4 geta horft á viðtölin á heimasíðu N4, n4.is – Viðtölin eru venjulega sett á heimasíðuna daginn eftir að viðtalið er sent út –

Texti: Aðsendur.

Mynd: SK.