Neyðarútgangur við Ráðhúsið

Búið er að koma fyrir tveimur neyðarútgöngum á austurhlið Ráðhússins og til stendur að koma fyrir hringstiga. Búið er að steypa undirstöður fyrir stigann og var Njörður Jóhannsson múrari að vinna við verkið þegar fréttamann bar að garði.

Þessi framkvæmd var orðin löngu tímabær og hefur húsið verið á undanþágu í fjölda ára, enda ekki nema um eina útgönguleið að ræða ef eitthvað kæmi upp á.