Norðurhlið sparisjóðsins lagfærð

Höddi að flýja verkstað

Höddi Júll vinnur nú hörðum höndum að því að lagfæra norðurhlið Sparisjóðsins sem var orðin frekar löskuð. Selvík, systurfélag Rauðku, sér um framkvæmdina enda húsið í eigu félagsins. 

Höddi segir að klæðningin hafi verið ónýt og einangrunin líka, því hafi bæði verið fjarlægt en aftur verði húsið þó klætt í múr. Fyrst verður það þó einangrað svo að Gulli krókni ekki í bankanum en þessa dagana passar hann án efa uppá að ávalt sé heitt á könnunni, Hrólfi er því óhætt að kíkja í kaffi á morgun.