Norræna skólahlaupið

Norræna skólahlaupið var haldið á Siglufirði þriðjudaginn 11. okt. 2011. Alls tóku 84 nemendur af 101 í eldri deild þátt í hlaupinu. Nemendur hlupu 2,5 km hring um norðurbæinn og máttu þau hlaupa einn-tvo-þrjá eða fjóra hringi.

Nemendurnir 84 hlupu samtals yfir 500 km eða rétt tæplega 6 km að meðaltali. Bekkir skólans kepptu innbyrðis og það var 10.bekkur BRV sem sigraði með 7,2 km að meðaltali á nemanda.

Grétar Áki og Jakob Snær voru fyrstu drengirnir að hlaupa 10 km og Rebekka Rut var fyrsta stúlkan að hlaupa 10 km. Nemendur í Grunnskóla Fjallabyggðar eiga mikið hrós skilið fyrir góða þátttöku í hlaupinu.





Texti: Aðsendur
Myndir: GJS