Ný verkefni til sýslumannsins á Siglufirði
sksiglo.is | Almennt | 04.02.2014 | 18:00 | Jón Hrólfur Baldursson | Lestrar 384 | Athugasemdir (
Fengið af vef www.syslumenn.is
„Sex ný verkefni hafa frá og með 1.
febrúar 2014 verið flutt frá innanríkisráðuneytinu til sýslumanna, fimm til sýslumannsins á Siglufirði og eitt til sýslumannsins
á Hvolsvelli.”
Sýslumaðurinn á Siglufirði:
- Gefur út leyfisbréf til starfsréttinda héraðsdóms- og hæstaréttarlögmanna og annast aðra umsjón þeirra verkefna sem sýslumönnum eru falin á grundvelli laga nr. 77/1998 um lögmenn, sbr. lög nr. 45/2013 um breytingu á ýmsum lögum vegna flutnings verkefna frá innanríkisráðuneytinu til sýslumannsembætta og annarra embætta og stofnana.
- Tekur ákvarðanir um kvaðaarf skv. 1. og 2. mgr. 50. gr. erfðalaga nr. 8/1962, sbr. reglugerð nr. 108/2014 um ákvarðanir varðandi kvaðabindingu arfs og niðurfellingu kvaðar.
- Annast skráningu trúfélaga og lífsskoðunarfélaga, sbr. reglugerð nr. 106/2014 um skráningu trúfélaga og lífsskoðunarfélaga, sem og eftirlit með slíkum félögum í samræmi við 5. gr. laga nr. 108/1999 um skráð trúfélög og lífsskoðunarfélög.
- Veitir leyfi til dreifingar á ösku látins manns utan kirkjugarðs, sbr. reglugerð nr. 104/2014 um breytingu á reglugerð nr. 203/2003 um dreifingu ösku utan kirkjugarðs.
- Veitir leyfi til tilfærslu líka í kirkjugarði eða flutning þeirra í annan kirkjugarð eða í grafreit, sbr. reglugerð nr. 105/2014 um leyfi til tilfærslu eða flutnings líka.
Hér er svo hægt að lesa betur um það hvað sýslumaðurinn á Siglufirði
þjónustar : http://www.syslumenn.is/syslumadurinn/fjallabyggd/
Mynd við frétt fengin af vef www.syslumenn.is
Athugasemdir