Nýr dagur – Ný ljóðabók frá Þórarni (Tóta kennara)

Á morgun, föstudaginn 6. júlí, kemur út ný ljóðabók eftir Þórarin Hannesson og af því tilefni verður útgáfuteiti í Ljóðasetrinu um kl. 16.30, eða að loknum örtónleikum HarðarTorfasonar í setrinu þann sama dag.

Bókin ber heitið Nýr dagur og er þriðja ljóðabók Þórarins, Bókaforlagið Ugla gefur bókina út. Bókin inniheldur 52 ljóð og skiptist hún í fjóra kafla: Þankabrot, Náttúran, Börnin og Ástin.

Flest ljóðanna eru óhefðbundin en nokkur eru ort með hefðbundnum hætti. Þau hafa flest orðið til á síðustu tveimur árum og fjalla um lífið og tilveruna í sínum fjölbreytilegu myndum á einlægan og stundum gamansaman hátt.

Bókin verður til sölu í helstu bókabúðum landsins, í Ljóðasetrinu og víðar og kostar kr. 2.000. Allur ágóði af sölu bókarinnar rennur til uppbyggingar og reksturs Ljóðasetursins.

Menningarsjóður Sparisjóðs Siglufjarðar styrkti útgáfu bókarinnar.