Ómar mættur til leiks

Mikið fjör var í Bátahúsinu í gærkvöldi er Ómar Ragnarsson mætti til æfinga fyrir Frívaktina, fyrir voru heimamennirnir allir, hljómsveitin og sönghópurinn og varð þar fagnaðarfundur.
Sveitaball, Þrjú hjól undir bílnum, Jói útherji, Botnía, Mér er skemmt, Sjö litlar mýs, Svona er á síld, Ást, ást, ást – lögin sem urðu landsþekkt og flestir muna. Hvað skyldi Ómar syngja í óskalagaþættinum „Á frívaktinni“ í Bátahúsinu á laugardagskvöldið kl. 20:30? Tónleikarnir eru að þessu sinni til heiðurs Ómari Ragnarssyni einum af helstu skemmtikröftum og afkastamestu textahöfundum Íslands á 20. öld.
Forsala aðgöngumiða hefst í Bátahúsinu í dag, fimmtudaginn 24. júní. Miðar verða seldir í afgreiðslu Bátahússins á opnunartíma safnins, frá 10-18. Kveðjur má senda á netfangið: safn@sild.is