Opið hús í Iðju síðasta þriðjudag

Síðastliðinn þriðjudag var Iðjan með opið hús.

 

Margir gestir lögðu leið sína í Iðjuna til að skoða og versla jólagjafir og jólaskraut.

 

Ég sendi hana Ólöfu mína niður í Iðju, af því hún hefur svolítið meira gaman af því en ég að versla alls konar jólagjafir, skraut og bara allskonar jóla. Ég passaði börnin fyrir hana á meðan þannig að hún var meira en lítið til í að skjótast í Iðjuna til þess að versla og taka myndir. 

 

Það var lesið upp úr bókinni "Orðabók konunnar"

 

Í formála bókarinnar stendur "Orðabók konunnar veitir yður aðstoð til að hagnýta prjónamynstur, snið og mataruppskriftir

sem birtast í dönskum, sænskum, enskum og þýskum tímaritum og blöðum.

Orðabók konunnar er samin til þess að leysa þennan vanda og ætti að vera ómissandi handbók á hverju heimili".

 

Þetta er eitthvað sem hreinlega allar húsmæður ættu að eiga og það er augljóst að ég er búinn að finna jólagjöfina handa unnustinni.

 

En allavega hafði Ólöf ljómandi gaman af því að kíkja í Iðjuna og það vantaði ekki upp á það að vel var tekið á móti gestum með smákökum og allskonar nammi.

 

Eva Ómars kom hlaupandi inn og vildi alls ekki missa af þessu.

 

Agnes Þór að prjóna.

 

Ísabella Ósk kom við og skoðaði.

 

Anna var ekkert að spara veitingarnar

 

Hrafnhildur var hress.

 

Hafdís Ósk prjónar eins og vindurinn.

 

Mikið af fallegum munum eru til sölu í Iðjunni.

 

Hér ræða þær stöllur Didda til vinstrii og Didda til hægri saman um ágæti bókarinnir sem Didda til hægri las upp úr.

 

Ólína Þórey les hér upp úr bókinni góðu.