Óvenju mörg skip við legu á Siglufirði

Skömmu fyrir jól landaði frystitogarinn Brettingur 70 tonnum af frosinni iðnaðarrækju hjá Ramma ehf. en þetta er gott hráefni sem unnið verður á næsta ári.

Brettingur kom til Siglufjarðar frá Flæmingjagrunni. Fleiri landanir voru fyrir jól á Siglufirði en Mánaberg kom með 176 tonn af afla og Sigurbjörgin landaði 153 tonnum í desember í tveimur löndunum og var það mest af þorski.

Eins og Siglfirðingar urðu varir við lágu óvenju mörg skip við Siglufjarðarhöfn þessi jólin.