Páll og Herhúsið í Kiljunni í kvöld.

Áfram heldur kynning á Siglfirsku menningarlífi í bókmenntaþættinum Kiljunni. Í kvöld les Páll Helgason ljóð sitt um hugarástand þjóðar í miðju góðæri, ljóð sem hann orti snemma árs 2008 og líta má á sem nokkurs konar spádóm um hrunið mikla.


Þá verður einnig umfjöllun um Herhúsið og stutt viðtal við Jónatan Harris bandarískan listamann sem er þar í mikilli vinnu annað árið í röð.
Í dag vinnur svo Kiljufólkið að þætti sem fluttur verður í Kiljunni að viku liðinni þar sem fjallað verður um bók Örlygs, Svipmyndir úr síldarbæ. Þar verður mikið af viðbótarmyndum frá gamalli tíð og er Kiljan í beinu sambandi við okkur í Ljósmyndasafni Siglufjarðar um miðlun góðra ljósmynda til þeirra- mikill vilji er hjá öllum að vanda þennan þátt því þessi fjölþætta Siglufjarðarkynning er okkur öllum mikils virði.