Rithöfundur að vinnu

Rithöfundurinn Viðar Hreinsson

Viðar Hreinsson rithöfundur hefur dvalið hér á Siglufirði í viku  
vegna ritunar á ævisögu sr. Bjarna Þorsteinssonar, sem löngum hefur  
verið nefndur faðir Siglufjarðar.

Stefnt er að því að bókin um Bjarna komi út 14. október næstkomandi  
en þá verða 150 ár liðin frá fæðingu þessa frægasta Siglfirðings fyrr  
og síðar.

Viðar hefur unnið sig í gegnum gögn í skjalasafni  
Bókasafnsins á síðustu dögum og hefur orðið vel ágengt og miðar  
verkinu ágætlega. Viðar er einna þekktastur fyrir ævisögu Stephan G.  
Stephanssonar skálds í Vesturheimi og var fyrra bindi þess verks  
tilnefnt til Íslensku bókmenntaverðlaunanna árið 2002 og fékk síðar  
viðurkenningu Hagþenkis fyrir framúrskarandi vinnubrögð á ævisögunni.



Viðar Hreinsson



Sæluhúsið

Ljósm. GJS