Safnarúta til Akureyrar

Margt verður að sjá á safnadeginum

Á “Eyfirska safnadaginn” 2. maí nk. verður boðið upp á fría rútuferð frá Siglufirði til Akureyrar og ókeypis inn á söfnin  - ef hægt er að tryggja nægjanlega  þátttöku.

Leiðsögn verður á söfnunum og eru þau þessi: Náttúrugripasafnið í Ólafsfirði, Byggðasafnið Hvoll á Dalvík, og Akureyrarsöfnin: Minjasafnið, Nonnahús, Sigurhæðir, Davíðshús, Iðnaðarsafnið, Flugsafnið og Listasafnið.
Ferðatilhögun verður auglýst síðar en  þeir sem huga hafa á að þiggja rútuferðina eru vinsamlegast beðnir um að láta Örlyg í Síldarminjasafninu vita fyrir nk. mánudag – s. 8631605 eða netfang safn@sild.is

Undirbúningsnefnd Eyfirska safnadagsins