Siglfirðingur í Noregi opnar ferðaskrifstofu

Siglfirðingurinn Ómar Ingimundarson og kona hanns Åse Gravås Ingimundar hafa opnað ferðaskrifstofu í Noregi. Fyrsti
17 manna hópurinn kom til Siglufjarðar í gær og borðaði á Hannes Boy í gærkvöldi og gistu á Gistiheimilinu Tröllaskaga.

Í dag skoðuðu þau Síldarminjasafnið og aðra áhugaverða staði á Siglufirði og fóru í siglingu með Steina Vigg. Síðan liggur leiðin til Ólafsfjarðar og verður þar gist á Brimnes Hótel. Hugmynd þeirra er að koma með nokkra hópa á hverju ári og ferðast um Tröllaskaga.





Hópurinn í Síldarminjasafninu

Texti og myndir: GJS