Siglfirskar ættir liggja víða. Halldór Már

Fréttir

Siglfirskar ættir liggja víða. Halldór Már

Mynd / Mireya Navarro

Halldór Már Stefánsson er að gera það gott í tónlistarlífinu í Katalóníu á Spáni.

Halldór Már var að gefa út plötu á Spáni sem hefur verið ljómandi vel tekið og er í fyrsta sæti í plötubúð í Barcelona.

Platan er líklega ein af vinsælustu plötum í Katalóníu og ber hún nafnið "Winds". Nýlega var gefið út myndband við eitt af lögum plötunnar sem ber nafnið "The Wind".

Hér er platan í fyrsta sæti í plötubúðinni Fnac í Barcelona. (Mynd fengin af facebook síðu Halldórs).

Í myndbandinu má sjá svokallaðann stórhaus eða "Capgrós" eins og Spánverjar kalla það og er víst hefð hjá Spánverjum að gera þennan stórhaus af þekktum einstaklingum.

Á plötunni eru flest öll lögin þekkt og fræg Katalónsk lög sungin á ensku sem legst vel í Spánverja.

Þess má einnig geta að Halldór er gítarkennari í Barcelona og kennir aðalega klassískan gítarleik. Þess má geta að Eddie Vedder, söngvari Pearl Jam tók nokkra tíma hjá kappanum.

Það er nóg að gera í tónleikastússi hjá Halldóri og hann verður með á stórri tónleikahátíð þann 18. júlí í Barcelona.

Halldór Már er sonur Guðnýjar Pálsdóttur, (Guðný er dóttir Palla Magg og Auðar Jóns).

Hér er svo myndbandið sem var gert fyrir útgáfu plötunnar.